Ибрагим Күлшімбаев ТЖ бірінші вице-министрі қызметінен босатылды

Ибрагим Күлшімбаев еліміздің Төтенше жағдайлар бірінші вице-министрі қызметінен босатылды. Бұл туралы премьер-министрдің ресми сайты хабарлады.

"Үкімет қаулысымен Ибрагим Даукесұлы Күлшімбаев берген өтінішіне сәйкес Төтенше жағдайлар бірінші вице-министрі қызметінен босатылды", - делінген хабарламада.

Ибрагим Күлшімбаев 1972 жылы Қарағанды облысында дүниеге келген. 

1994 жылы Қарағанды политехникалық институтын, 2004 жылы Ресей ТЖМ Азаматтық қорғау академиясын тәмамдаған.

Еңбек жолын 1994 жылы Қарағанды облысы, Нұра ауданы, Амантау кеңшарында автопарк механигі болып бастаған.

1996-1999 жылдары — Қорғаныс министрлігі 1-армия корпусы 78 танк дивизиясы 143 танк полкінің штаб бастығының орынбасары, танк взводының командирі.

2000-2004 жылдары — ТЖМ 52859 әскери бөлімі рота командирінің тәрбие және әлеуметтік-құқықтық жұмыстар жөніндегі орынбасары.

2004-2005 жылдары — Қарағанды облыстық төтенше жағдайлар басқармасы Дайындық және оқыту орталығының бөлім басшысының орынбасары қызметтерін атқарған.

2005 жылдан бастап 2009 жылға дейін Қарағанды облысының Төтенше жағдайлар департаментінің құрылымында жұмыс істеген.

2009-2013 жылдары ТЖМ-ның 52859 әскери бөліміне басшылық еткен.

2013-2016 жылдары — Астана қаласы Төтенше жағдайлар департаменті басшысының орынбасары.

2016-2020 жылдары Қарағанды облысының Төтенше жағдайлар департаментінің басшысы.

2020 жылдан бастап қазіргі уақытқа дейін Төтенше жағдайлар бірінші вице-министрі болды.