Тоқаев Алматы облысында әскери оқу-жаттығу жиынына қатысты
Опубликовано:
![Мемлекет басшысы Қасым-Жомарт Тоқаев Мемлекет басшысы Қасым-Жомарт Тоқаев](https://cdn.nur.kz/images/1120x630/effa14f6e64df6b6.jpeg)
Мемлекет басшысы Қасым-Жомарт Тоқаев "Батыл тойтарыс-2023" стратегиялық командалық-штабтық әскери оқу-жаттығу жиынына барды. Бұл туралы Ақорда Telegram арнасында хабарлады.
Президент – Қарулы күштердің жоғарғы бас қолбасшысы Қасым-Жомарт Тоқаевтың басшылығымен "Жағалау" оқу-жаттығу полигонында "Батыл тойтарыс-2023" стратегиялық командалық-штабтық әскери оқу-жаттығу жиыны өтті.
![Полигон Полигон](https://cdn.nur.kz/images/1120/0bae146be28ee741.jpeg)
Қасым-Жомарт Тоқаев оқу-жаттығу жиынын бақылау мұнарасынан тамашалады. Әскери әдіс-тәсілдер көрсетер алдында мемлекет басшысына генерал-майорлар Болат Жорабаев пен Алмаз Жұмакеев қорғаныс операциясы кезіндегі Арнаулы операциялар күштері мен Десанттық-шабуылдау әскерлерінің әрекеті жөнінде баяндады.
!["Батыл тойтарыс-2023" стратегиялық командалық-штабтық әскери оқу-жаттығу жиыны "Батыл тойтарыс-2023" стратегиялық командалық-штабтық әскери оқу-жаттығу жиыны](https://cdn.nur.kz/images/1120/2929e925ba507b44.jpeg)
Десанттық-шабуылдау әскерлерінің бригадалық-тактикалық топтары авиацияның қолдауымен, сондай-ақ Құрлық әскерлері және Арнаулы операциялар күштерінің бөлімшелерімен бірлесе отырып, судан өту арқылы қарсы жағалаудағы жау шебін басып алу үшін тактикалық іс-қимыл жүргізді.
!["Батыл тойтарыс-2023" стратегиялық командалық-штабтық әскери оқу-жаттығу жиыны "Батыл тойтарыс-2023" стратегиялық командалық-штабтық әскери оқу-жаттығу жиыны](https://cdn.nur.kz/images/1120/b05499ee02ffc02f.jpeg)
Ал Арнаулы операциялар күштері мен Ұлттық ұлан бөлімшелері шартты жау қолына өткен Қапшағай ГЭС-ін азат етті. Төтенше жағдайлар министрлігінің бөлімшелері техногендік апат салдарын жоюмен айналысып, халыққа гуманитарлық көмек көрсету міндетін атқарды.
!["Батыл тойтарыс-2023" стратегиялық командалық-штабтық әскери оқу-жаттығу жиыны "Батыл тойтарыс-2023" стратегиялық командалық-штабтық әскери оқу-жаттығу жиыны](https://cdn.nur.kz/images/1120/99b7af7ee5fa2933.jpeg)
Қарулы күштердің бас штабы әзірлеген бірыңғай жоспар мен мақсатқа сәйкес әскерлер оқу-жаттығу жиыны өтетін аудандарға стратегиялық тұрғыда қайта топтастырылды.
!["Батыл тойтарыс-2023" стратегиялық командалық-штабтық әскери оқу-жаттығу жиыны "Батыл тойтарыс-2023" стратегиялық командалық-штабтық әскери оқу-жаттығу жиыны](https://cdn.nur.kz/images/1120/c443675d50b6de3d.jpeg)
Атап айтқанда, Әскери-теңіз күштері авиацияның және Арнаулы операциялар күштерінің қолдауымен Каспий теңізі акваториясындағы экономикалық қызмет нысандарының қауіпсіздігін қамтамасыз етті.
!["Батыл тойтарыс-2023" стратегиялық командалық-штабтық әскери оқу-жаттығу жиыны "Батыл тойтарыс-2023" стратегиялық командалық-штабтық әскери оқу-жаттығу жиыны](https://cdn.nur.kz/images/1120/39fe6981797bfa65.jpeg)
Алматы, Қарағанды, Солтүстік Қазақстан және Абай облыстарындағы полигондарда да осындай оқу-жауынгерлік міндеттер орындалды.
Мақаланың түпнұсқасы: https://kaz.nur.kz/politics/2035362-toqaev-almaty-oblysynda-askeri-oqu-zattygu-ziynyna-qatysty/