Тоқаевтың Тәжікстан Республикасына жұмыс сапары аяқталды (фото, видео)
Жарияланған күні:
Президент Қасым-Жомарт Тоқаевтың Тәжікстан Республикасына жұмыс сапары аяқталды. Бұл туралы Ақорда Telegram-дағы ресми арнасында хабарлады.
Президенттің баспасөз қызметінің хабарлауынша, Душанбе халықаралық әуежайында мемлекет басшысын Тәжікстан премьер-министрі Кохир Расулзода шығарып салды.
Айта кетейік, мемлекет басшысы Қасым-Жомарт Тоқаев Эмомали Рахмонның шақыруымен Тәжікстанға жұмыс сапарымен барған еді.
Ресми сапар барысында екі ел президенті келіссөз жүргізген болатын.
Сонымен қатар мемлекет басшысы Қасым-Жомарт Тоқаев Тәжікстанға жұмыс сапары кезінде "ЭКСПО Орталық Азия – 2023" көрмесін аралағанын жазған едік.
Бұдан бөлек, мемлекет басшысы Қасым-Жомарт Тоқаев Тәжікстанда өткен саммитте қандай құжаттарға қол қойғанын хабарладық.
Мақаланың түпнұсқасы: https://kaz.nur.kz/politics/2036801-toqaevtyn-tazikstan-respublikasyna-zumys-sapary-ayaqtaldy/
