Тоқаев Италия премьері Джорджа Мелонимен кездесті (фото)

Президент Қасым-Жомарт Тоқаев Италияның премьері Джорджа Мелонимен келіссөз жүргізу үшін Киджи сарайына барды, деп хабарлайды Ақорда Тelegram-дағы ресми арнасында.

"Президент Қасым-Жомарт Тоқаев Италияның Министрлер Кеңесінің Төрағасы Джорджа Мелонимен келіссөз жүргізу үшін Киджи сарайына келді", - делінген хабарламада.

Айта кетсек, бұған дейін мемлекет басшысы Қасым-Жомарт Тоқаев 17 қаңтарда Италияға ресми сапармен барғанын жазған едік.

Сонымен қатар мемлекет басшысы Италия президенті Серджо Маттарелламен келіссөз жүргізді.

Одан бөлек, Тоқаев "Қазақстан-Италия" инвестициялық дөңгелек үстеліне қатысып, бірқатар ірі компания басшыларымен кездесулер өткізуді жоспарлап отыр.

Қазақстан президенті қаңтардың 19-ы Ватиканда Рим папасы Францискпен кездеседі.