Тоқаев неліктен үкімет отставкаға кеткенін түсіндірді

Президент Қасым-Жомарт Тоқаев премьер-министр Әлихан Смайыловтың отставкасын неліктен қабылдағанын түсіндірді. Бұл туралы KAZ.NUR.KZ тілшісі хабарлайды.

"Үкімет жылдам шешім қабылдауда және тиімді қадамдар жасауда жаңа, маңызды рөл атқаруы керек.

Халқымыздың игілігі үшін экономиканы әртараптандыруды ынталандыратын батыл, нақты шешімдер қабылдануы керек.

Жаңа шындыққа бейімделу керек. Біз жаңа сын-қатерлерге қарсы тұра білуіміз керек, үкімет бұған дайын болуы керек.

Үкімет қызметіне жаңа серпін беру керек, мұны жұртшылық та күтіп отыр. Осы себепті мен Әлихан Смайыловтың отставкаға кетуін қабылдадым. Оның басшылығымен үкімет барлық салада тұрақтылықты қамтамасыз етті", – деді президент Қасым-Жомарт Тоқаев.

Еске сала кетейік, кеше Қазақстан үкіметі отставкаға кетті. Тиісті жарлыққа мемлекет басшысы қол қойды. Роман Скляр премьер-министрдің міндетін атқарушы болды.

Ал бүгін премьер-министр лауазымына Олжас Бектенов тағайындалды. 2023 жылдың сәуірінен бастап осы уақытқа дейін ол Президент әкімшілігінің басшысы болған. Бұған дейін оның кандидатурасын мәжіліс мақұлдаған болатын.