Шайх-Хасан Жазықбаев Қорғаныс министрінің орынбасары болды
Опубликовано:
Шайх-Хасан Жазықбаев Қорғаныс министрінің орынбасары лауазымына тағайындалды. Бұл туралы Ақорда Тelegram арнасында хабарлады.
"Мемлекет басшысының өкімімен Шайх-Хасан Саттарқұлұлы Жазықбаев Қазақстан Республикасы Қорғаныс министрінің орынбасары лауазымына тағайындалды", - делінген хабарламада.
Шайх-Хасан Жазықбаев әр жылдары жауынгерлік және бітімгерлік дайындық бойынша жауапты қызметтер атқарды. Ол бірнеше әскери бөлімнің командирі, штаб бастығы – "Батыс" ӨңҚ әскерлері қолбасшысының бірінші орынбасары болды.
Ал 2023 жылғы 11 қарашада Қарулы күштер Бас штабы бастығының орынбасары болып тағайындалған болатын.
Ирак Республикасындағы инженерлік-саперлік жасақ құрамында бітімгерлік операцияға қатысты.
II дәрежелі "Айбын" орденімен, ведомстволық наградалармен және мерейтойлық медальдармен марапатталған.
Мақаланың түпнұсқасы: https://kaz.nur.kz/politics/2060100-saix-xasan-zazyqbaev-qorganys-ministrinin-orynbasary-boldy/
