Тоқаев пен Катар әмірінің келіссөзінен кейін қандай құжатқа қол қойылды

Катарға ресми сапармен барған президент Қасым-Жомарт Тоқаев пен Катар мемлекетінің Әмірі шейх Тәмим бен Хамад Әл Тәни жүргізген келіссөзден кейін бірқатар құжатқа қол қойылды. Бұл туралы Ақорда Telegram арнасында хабарлады.

Президент Қасым-Жомарт Тоқаев пен Катар мемлекетінің Әмірі шейх Тәмим бен Хамад Әл Тәни арасындағы келіссөз қорытындысы бойынша мынадай құжаттарға қол қойылды:

1. Қазақстан Республикасы мен Катар мемлекеті арасындағы ұстап беру туралы келісім;

2. Қазақстан Республикасы мен Катар мемлекеті арасындағы қылмыстық істер бойынша өзара құқықтық көмек туралы келісім;

3. Қазақстан Республикасының Үкіметі мен Катар мемлекетінің Үкіметі арасындағы Қазақстан Республикасынан келген жұмыскерлерді Катар мемлекетінде жұмысқа орналастыруды реттеу туралы келісім;

4. Қазақстан Республикасының Цифрлық даму, инновациялар және аэроғарыш өнеркәсібі министрлігі мен Катар мемлекетінің Байланыс және ақпараттық технологиялар министрлігі арасындағы Ынтымақтастық туралы меморандум;

5. Қазақстан Республикасының Еңбек және халықты әлеуметтік қорғау министрлігі мен Катар мемлекетінің Отбасы және әлеуметтік даму министрлігі арасындағы Әлеуметтік қорғау және даму саласындағы ынтымақтастық жөніндегі өзара түсіністік туралы меморандум;

6. Қазақстан Республикасының Мәдениет және ақпарат министрлігі мен Катар мемлекетінің Спорт және жастар министрлігі арасындағы жастар саласындағы 2024-2026 жылдарға арналған бірінші атқарушы бағдарлама;

7. Қазақстан Республикасының Сыбайлас жемқорлыққа қарсы іс-қимыл агенттігі мен Катар мемлекетінің Әкімшілік бақылау және ашықтық басқармасы арасындағы Парасаттылық пен айқындылықты ілгерілету бойынша өзара түсіністік туралы меморандум;

8. "Самұрық-Қазына" АҚ, Қазақстан Республикасының Энергетика министрлігі мен Power International Holding арасындағы энергетика және газ саласындағы жобаларды іске асыру туралы келісімдер;

9. "QazaqGaz" ҰК"АҚ мен UCC Holding арасындағы Қашаған кен орнында газ өңдеу зауыттарын салу жобаларын бірлесіп іске асыру туралы келісімдер.

Сонымен қатар президенттің мемлекеттік сапары аясында тағы бірқатар құжатқа қол қойылды.