Елде премьер-министр мен үкімет мүшелерінің атынан мессенджерлерде ақша сұрайтындар пайда болған

Елде премьер-министр мен үкімет мүшелерінің атынан мессенджерлерде ақша сұрайтындар пайда болған. Бұл туралы үкіметтің баспасөз қызметі хабарлады.

"Қазақстан үкіметінің баспасөз қызметі мессенджерлерде қаражат аудару туралы өтініш айтылған премьер-министрдің және үкімет мүшелерінің атынан ақпарат таратылып жатқанын хабарлайды. Бұл – жалған ақпарат", - делінген хабарда.

Мәліметке қарағанда, оны интернет-алаяқтар таратып отыр.

"Жалған ақпаратқа сенбеуге, қаражат аудармауға және күмәнді сілтемелерге өтпеуге шақырамыз. Құқық қорғау органдары алаяқтық әрекеттер жасап жатқан адамдарды анықтау және жауапкершілікке тарту бойынша жұмыс жүргізуде", - дейді үкіметтегілер.