Тоқаев Елена Рыбакинаны жеңісімен құттықтады

Мемлекет басшысы Қасым-Жомарт Тоқаев Елена Рыбакинаны Штутгарт (Германия) турнирінде жеңіске жеткені үшін құттықтады, деп хабарлады Ақорда Telegram-дағы ресми арнасында.

Президент Қасым-Жомарт Тоқаев Елена Рыбакинаны Штутгарт турниріндегі жеңісімен құттықтады.

"Елена Рыбакинаны Штутгартта өткен теннис турнирінің жеңімпазы атануымен құттықтаймын. Қазақстанның бірінші ракеткасы биылғы маусымда осымен үшінші турнирде жеңіске жетіп отыр. Бұл – үлкен жетістік. Даңқты теннисшімізге толағай табыс тілеймін!", – деп жазды мемлекет басшысы Instagram парақшасында.

Еске салайық, бұған дейін қазақстандық теннисші Елена Рыбакина Штутгарттағы (Германия) турнирінің финалында украиналық Марта Костюкпен кездесіп, оны ойсырата жеңгенін жазған едік.

Сондай-ақ бүгін Рыбакина Германияда өткен турнирде жеңіске жеткені үшін қандай сый-сыяпатқа ие болғаны хабарланды.