Top.Mail.Ru

Сайт нұсқасы

ru kz

Зектілері

Ералы Тоғжанов премьер-министрдің кеңесшісі болды

Опубликовано:

Ералы Тоғжанов
Ералы Тоғжанов. Фото: NUR.KZ

Ералы Тоғжанов премьер-министр Олжас Бектеновтың кеңесшісі болып тағайындалды. Бұл ақпаратты KAZ.NUR.KZ тілшісіне үкіметтің баспасөз қызметі растады.

Ералы Тоғжанов бұған дейін Ақтөбе облысының әкімі қызметін атқарған. 2023 жылғы қыркүйекте президент жарлығымен бұл қызметтен босатылды.

Ақтөбе облысы әкімдігінің ресми сайтындағы мәлімет бойынша, Ералы Тоғжанов 1963 жылғы 13 мамырда Батыс Қазақстан облысында дүниеге келген.

1988 жылы Қарағанды мемлекеттік университетін, 1994 жылы Қазақстан Республикасының Ғылым академиясының Мемлекет және құқық институтын тәмамдаған. Мамандығы бойынша біліктілігі - заңгер.

Еңбек жолын 1980 жылы Орал облысы Октябрь орман шаруашылығының жұмысшысы ретінде бастаған.

1988-2001 жылдары — Қарағанды мемлекеттік университетінде оқытушы, Ғылым академиясының Мемлекет және құқық институтының директоры, факультет деканы, Қазақ мемлекеттік заң университетінің филиалының директоры.

2001-2006 жылдары — Қарағанды облысы әкімінің орынбасары.

2006-2008 жылдары — Әділет министрлігінің Дін істері жөніндегі комитет төрағасы.

2008-2017 жылдары — Қазақстан халқы Ассамблеясы төрағасының орынбасары, Президент әкімшілігінің Қазақстан халқы Ассамблеясының Хатшылығының меңгерушісі, Президент әкімшілігінің Ішкі саясат бөлімінің сектор меңгерушісі.

2017-2019 жылдары — Маңғыстау облысының әкімі.

2019-2020 жылдары — Кәсіподақтар федерациясының төрағасы қызметтерін атқарған.

2020 жылы 11 ақпанда премьер-министрдің орынбасары болып тағайындалды.

2021 жылы 18 қаңтарда сондай-ақ 2022 жылғы 11 қаңтарда президент жарлығымен осы қызметіне қайта тағайындалды.

2022 жылғы 31 тамызда Ақтөбе облысының әкімі қызметіне кірісті.

Мақаланың түпнұсқасы: https://kaz.nur.kz/politics/2102000-eraly-togzhanov-premer-ministrding-kengesshisi-boldy/

pixel