Top.Mail.Ru

Сайт нұсқасы

ru kz

Зектілері

Владимир Путин шілдеде Астанаға келеді

Опубликовано:

Владимир Путин
Владимир Путин. Фото: Mikhail Metzel/POOL/AFP/Getty Images

Ресей Федерациясының президенті Владимир Путин келесі айда Астанаға баруды жоспарлағанын айтты – шілдеде бұл қалада ШЫҰ саммиті өтеді, деп хабарлайды РИА Новостиге сілтеме жасаған KAZ.NUR.KZ.

Ресей Федерациясының басшысы Санкт-Петербург халықаралық экономикалық форумы аясында әлемнің жетекші ақпарат агенттіктерінің басшыларымен кездесуінде алдағы жоспарларын сөз етті.

"Жақында Астанаға барғалы отырмыз. Ол жақта ШЫҰ саммиті және басқа да түрлі іс-шаралар өтеді. Менде шақырту бар. Әрине, оны қолданамын", - деді Ресей президенті.

Айта кетейік, кеше Ақорда өкілдері Шанхай ынтымақтастық ұйымының биылғы саммиті Астанада 3-4 шілдеде өтетінін мәлімдеді.

Президенттің баспасөз қызметінің мәліметінше, жиында ШЫҰ-ға мүше мемлекеттер басшылары саяси, сауда-экономикалық және мәдени-гуманитарлық салалардағы ықпалдастықтың көптеген өзекті мәселесін қарастырады.

Форумға бақылаушы елдер мен диалог бойынша серіктес мемлекеттердің басшылары қатысады деп жоспарланып отыр.

Мақаланың түпнұсқасы: https://kaz.nur.kz/politics/2112996-vladimir-putin-shildede-astanaga-keledi/

pixel