Орталық Азия елдерінің президенттері Ақордаға келді (фото)

Орталық Азия мемлекеттерінің басшылары VІ Консультативтік кездесуге қатысу үшін Ақордаға келді. Бұл туралы Ақорда хабарлады.

Мәртебелі қонақтарды Қазақстан президенті Қасым-Жомарт Тоқаев қарсы алды.

Еске салсақ, Өзбекстан президенті Шавкат Мирзиеев елордаға келді. Оны "Ақорда" резиденциясында Тоқаев салтанатты түрде қарсы алды. Екі ел президенті шағын құрамда келіссөз жүргізді.

Сонымен бірге Қазақстанға Әзербайжан президенті Ильхан Әлиев, Қырғызстан президенті Садыр Жапаров, Тәжікстан президенті Эмомали Рахмон келген болатын.

Сондай-ақ бүгін елордаға Түрікменстан президенті Сердар Бердімұхамедов келді.

Жалпы, президенттер Орталық Азия мемлекеттері басшыларының VI консультативтік кездесуіне қатысады.

Ал Жапония премьер-министрі Фумио Кишида елдің оңтүстік-батысында болған күшті жер сілкінісіне байланысты Астанаға жоспарланған сапарын тоқтатты.