Тоқаев пен Орбан Мажарстан мен Германия құрамалары арасындағы футбол матчын тамашалады (фото)

Мемлекет басшысы Қасым-Жомарт Тоқаев пен Виктор Орбан Мажарстан мен Германия құрамалары арасындағы футбол матчын тамашалады. Бұл туралы Ақордаға сілтеме жасаған KAZ.NUR.KZ хабарлайды.

Ақорданың Telegram-дағы ресми арнасында жарияланған ақпаратқа сәйкес, Будапешт қаласына мемлекеттік сапармен келген президент Қасым-Жомарт Тоқаев Мажарстан премьер-министрі Виктор Орбанмен бірге Puskas Arena Park стадионына барды. Онда УЕФА Ұлттар лигасы аясында өтіп жатқан Мажарстан мен Германия құрамалары арасындағы кездесуді көрді.

Еске салсақ, Қазақстан президенті Қасым-Жомарт Тоқаев 19 қарашада Мажарстанға мемлекеттік сапармен барды.

Сапар аясында мемлекет басшысы Мажарстан президенті Тамаш Шуйокпен және премьер-министр Виктор Орбанмен келіссөз жүргізіп, екі елдің саяси, сауда-экономикалық және мәдени-гуманитарлық салалардағы стратегиялық серіктестігін одан әрі дамыту перспективасын талқылайды.

Сонымен қатар президент Мажарстанның ірі бизнес өкілдерімен кездесуді жоспарлап отыр.

Мәтіннен қате тапсаңыз, бізге жазыңыз