Министр Қанат Шарлапаев тағы бір лауазымға ие болды

Қанат Шарлапаев Қазақстанның регби федерациясының жаңа төрағасы болып сайланды. Бұл туралы Өнеркәсіп және құрылыс министрлігінің баспасөз қызметіне сілтеме жасаған KAZ.NUR.KZ хабарлайды.

"️2025 жылдың 25 қаңтарында Өнеркәсіп және құрылыс министрі Қанат Шарлапаев "QAZAQSTAN RUGBY" Заңды Тұлғалар Бірлестігінің президенті болып сайланды.

Федерация жастар регбиін дамыту, әйелдер командаларына қолдау көрсету, спортты танымал ету және инфрақұрылымды құруды жоспарлап отыр", - делінген Өнеркәсіп және құрылыс министрлігінің ресми Telegram арнасында.

Министрлік осы орайда Қазақстан әйелдер құрамасы әлемдік рейтингте 19-орынға жайғасқанын және халықаралық турнирлерде сәтті өнер көрсетіп жатқанын атап өтті.

Мәтіннен қате тапсаңыз, бізге жазыңыз