Болат Ақшолақов энергетика министрі қызметіне тағайындалды

Болат Ақшолақов энергетика министрі қызметіне тағайындалды. Тиісті құжатқа мемлекет басшысы Қасым-Жомарт Тоқаев қол қойды, деп хабарлайды Ақорда.

"Қазақстан Республикасы Конституциясының 44-бабының 3) тармақшасына сәйкес, Болат Оралұлы Ақшолақов Қазақстан Республикасының Энергетика министрі қызметіне тағайындалсын", - делінген құжат мәтінінде.

Айта кетейік, Болат Ақшолақов 1971 жылы Атырау қаласында дүниеге келген. 1993 жылы Қазақ мемлекеттік басқару академиясын тәмамдаған. Мамандығы экономист.

• 1993 жылдан -" Аlem Bank Kazakhstan" филиалдар қызметін бақылау департаментінің экономисі, бас экономисі.
• 1995 жылдан - Орталық Азия ынтымақтасу және даму банкінің бағалы қағаздар бөлімінің, дилинг операциялары бөлімінің бастығы, активтерді басқару департаментінің директоры.
• 1997 жылдан - "Қазақойл ҰМК" ЖАҚ ТШО департаментінің аға сарапшысы, менеджері, бас менеджері, директорының орынбасары
• 2001 жылдан - Commonwealth and British Services Ltd. компаниясының бизнес-тапдампазы, стратегиялық жоспарлау менеджері, қаржы директоры.
• 2003 жылдан - "Қазмұнайгаз" ҰК АҚ БК үлес басқару жөніндегі атқарушы директоры.
• 2006 жылдан - энергетика және минералдық ресурстар вице-министрі.
• 2008 жылдан - "Самұрық Қазына ҰӘҚ АҚ электрэнергетикалық және мұнайгаз активтерін басқару мәселелері жөніндегі басқарушы директоры.
• 2010-2011 PSA ЖШС бас директоры басқарма төрағасы.
• 2011 "ҚазМұнайГаз" Ұлттық компаниясы АҚ президенті.
• 2012-2014 Қазақстан Республикасының мұнай және газ вице-министрі.
• 2014-2016 "Almex Petrochemical" ЖШС Бас директоры.
• 2016-2017 "KAZENERGY" Қазақстан мұнай-газ және энергетика кешені ұйымдарының Қауымдастығы заңды тұлғалар бірлестігінің бас директоры.
• 2017-2019 Қазақстан Республикасының Энергетика Вице-министрі.
• 2019 жылдан қазіргі уақытқа дейін "KAZENERGY" қауымдастығының бас директоры қызметін атқарды.

Мәтіннен қате тапсаңыз, бізге жазыңыз