Самат Әбіш ҰҚК төрағасының бірінші орынбасары лауазымынан босатылды
Опубликовано:
Президент Қасым-Жомарт Тоқаевтың өкімімен Самат Әбіш Ұлттық қауіпсіздік комитеті төрағасының бірінші орынбасары лауазымынан босатылды, деп хабарлайды Ақорда.
"Мемлекет басшысының өкімімен Самат Сатыбалдыұлы Әбіш Қазақстан Республикасы Ұлттық қауіпсіздік комитеті төрағасының бірінші орынбасары лауазымынан босатылды", - делінген хабарламада.
Айта кетейік, бұған дейін Ұлттық қауіпсіздік комитеті келіп түскен сұрауларға байланысты жауап бере отырып, Самат Әбіштің өз қызметінде екенін яғни оның жылсайынғы еңбек демалысында екенін хабарлаған болатын.
Самат Әбіш Ұлттық қауіпсіздік комитеті төрағасының бірінші орынбасары болып, 2015 жылдың желтоқсан айында тағайындалған еді.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/politics/appointments/1951493-samat-abis-uqk-toragasynyn-birinsi-orynbasary-lauazymynan-bosatyldy/