Бейбіт Исабаев Жетісу облысының әкімі лауазымына тағайындалды

Мемлекет басшысының Жарлығымен Бейбіт Өксікбайұлы Исабаев Жетісу облысының әкімі лауазымына тағайындалды, деп хабарлайды БОРТN1 Telegram арнасы.

"Мемлекет басшысының Жарлығымен Бейбіт Өксікбайұлы Исабаев Жетісу облысының әкімі лауазымына тағайындалды",-деп жазылған хабарламада.

Айта кетейік, Бейбіт Өксікбайұлы Исабаев 1962 жылы Алматы облысында туған.

Киров атындағы Қазақ мемлекеттік университетін, Сыртқы істер министрлігінің Дипломатиялық академиясын бітірген. Мамандығы – журналист, халықаралық қатынастар маманы. Төтенше және Өкілетті елші дипломатиялық дәрежесі бар, саяси ғылымдардың кандидаты.

1985-1994 жылдары әртүрлі бұқаралық ақпарат құралдарында жұмыс істеді. Өркен – Горизонт газеттерінің бас редакторы, Қазақ мемлекеттік телерадио кешенінің бас директоры болды.

1994-1997 жылдары Алматы қаласы әкімшілігінде басшылық қызметтер атқарды, қала әкімінің орынбасары болды.

1997-2000 жылдарда – Сыртқы істер министрлігі Дипломатиялық академиясының тыңдаушысы, Сыртқы істер министрлігі Әкімшілік департаментінің директоры.

2000-2002 жылдары премьер-министрі кеңсесінің үкіметтік ақпарат бөлімінің меңгерушісі лауазымын атқарды.

2002-2003 жылдары – Сыртқы істер министрінің кеңесшісі, Сыртқы істер министрлігінің Ерекше тапсырмалар жөніндегі елшісі, Қазақстанның Орталық Азия ынтымақтастығы ұйымы мәселелері жөніндегі ұлттық үйлестірушісі.

2003-2008 жылдарда Қазақстанның Пәкістан ислам республикасындағы төтенше және өкілетті Елшісі, Қазақстанның Түркия республикасындағы төтенше және өкілетті Елшісі, Қазақстанның Албания республикасындағы төтенше және өкілетті елшісі қызметін қоса атқарушы болды.

2008-2009 жылдарда Мәдениет және ақпарат вице-министрі, президенттің баспасөз хатшысы қызметтерін атқарды.

2009-2019 жылдары – Қазақстаның Қырғыз, Әзербайжан республикаларындағы төтенше және өкілетті Елшісі.

2019-2022 жылдар аралығында президенттің парламенттегі өкілдігінің басшысы, парламент сенатының депутаты, Әлеуметтік-мәдени даму және ғылым комитетінің төрағасы болды.

2022 жылдың 11 маусымынан бастап – Жетісу облысының әкімі.

Айта кетейік, осы аптада елімізде бірқатар маңызды орган басшылары да қайта тағайындалған еді.