Галидулла Азидуллин Экология және табиғи ресурстар вице-министрі қызметінен босатылды
Жарияланған күні:
Галидулла Азидуллин Экология және табиғи ресурстар вице-министрі қызметінен босатылды, деп хабарлайды премьер-министрдің ресми сайты.
"Үкімет қаулысымен Галидулла Азидоллаұлы Азидуллин берген өтінішіне сәйкес Экология және табиғи ресурстар вице-министрі қызметінен босатылды", - делінген хабарламада.
Галидулла Азидуллин 1981 жылы Атырау облысында дүниеге келген. Х. Досмұхамедов атындағы Атырау мемлекеттік университетін, М.Х. Дулати атындағы Тараз мемлекеттік университетін бітірген.
Еңбек жолын 2002 жылы Жайық-Каспий бассейндік су шаруашылығы басқармасында бастаған. ҚР ЭГТРМ Су ресурстары комитетінің құрылымында басшылық қызметтер атқарған.
2023 жылғы қаңтардан бастап қазіргі уақытқа дейін Экология және табиғи ресурстар вице-министрі болған.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/politics/appointments/2042867-galidulla-azidullin-ekologiya-zane-tabigi-resurstar-vice-ministri-qyzmetinen-bosatyldy/