Мейірлан Раханов Ақпарат комитетінің төрағасы болып тағайындалды
Опубликовано:
Мәдениет және ақпарат министрінің бұйрығымен Мейірлан Ақылбекұлы Раханов Ақпарат комитетінің төрағасы болып тағайындалды. Бұл туралы үкіметтің баспасөз қызметі хабарлайды.
Мейірлан Раханов 1988 жылы Қарағанды облысында дүниеге келген. Қазтұтынуодағы Қарағанды экономикалық университетін бітірген.
Еңбек жолын 2011 жылы Қарағанды қаласы әкімдігінің Ішкі саясат бөлімінде бастаған.
2012 жылы Қарағанды облысының Салық басқармасының жетекші маманы, 201-2013 жылдары Қарағанды облысы әкімдігінің Ішкі саясат басқармасының бас маманы болып жұмыс істеген.
2013-2016 жылдары – Ақпарат комитеті Баспа БАҚ басқармасының сарапшысы, бас сарапшысы.
2016-2021 жылдары — Қазақстан президентінің баспасөз қызметінің сарапшысы, кеңесшісі, инспекторы.
2021 жылғы шілдеден 2023 жылғы желтоқсанға дейін Қазақстан президентінің баспасөз қызметінің сектор меңгерушісі қызметін атқарған.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/politics/appointments/2053836-meiirlan-raxanov-aqparat-komitetinin-toragasy-bolyp-tagaiyndaldy/