Қазақстанның авиациялық әкімшілігі бас директорының орынбасары тағайындалды

Әсем Амантайқызы Сейітова Қазақстанның авиациялық әкімшілігі бас директорының орынбасары болып тағайындалды. Бұл туралы Азаматтық авиация комитеті Telegram-дағы ресми арнасында хабарлайды.

Әсем Сейітова 1981 жылы дүниеге келген.

2002 жылы университетті "Бухгалтерлік есеп және аудит" мамандығы бойынша тәмәмдаған, экономика магистрі.

Авиация саласында үлкен тәжірибесі бар, "Қазаэронавигация" РМК-да 10 жылдан астам түрлі лауазымдарда еңбек еткен.

Еңбек жолын 2002 жылы Қазақстанның Мемлекеттік кіріс министрлігінде бастаған, сонымен қатар Қаржы министрлігінің Салық комитетінде, "KazTransCom" АҚ, "Самұрық-Қазына" жылжымайтын мүлік қоры" АҚ-да жұмыс істеген.

Жаңа тағайындауға дейін "Қазаэронавигация" РМК Экономика және тарифтер департаментінің директоры қызметін атқарған.