Серік Ерубаев мәжілістің жаңа депутаты болды

Серік Ерубаев мәжілістің жаңа депутаты болып сайланды. Бұл туралы мәжілістің Telegram-дағы арнасында хабарланды.

Серік Ерубаев – мәжілістегі "Ақ жол" партиясы фракциясының мүшесі. Бүгін жалпы отырыста ол мәжілістің Заңнама және сот-құқықтық реформа комитетінің құрамына сайланды.

Айта кетсек, 24 қыркүйекте "Ақ жол" партиясында Асқар Садықовтың орнына жаңа депутат таңдағаны белгілі блған еді. Партия төрағасы Азат Перуашевтің айтуынша, Ұлттық кеңес пленумы Серік Ерубаевты "Ақ жол" демократиялық партиясы атырнан мәжіліс депутаты ретінде таңдау туралы шешім қабылдаған.

Серік Ерубаев 1968 жылы 16 қыркүйекте Атырауда өмірге келген. Ол Х. Досмұхамедов атындағы Атырау мемлекеттік университетін бітірген.

Ол – "Атырау Констракшн Сервисез ЛТД" ЖШС бас директоры. 2010-2015 жылдар аралығында Қазақстан таеквандо федерациясының вице-президенті болған.

Еске салайық, 29 тамызда Асқар Садықов "Ақ жол" партиясынан шығарылып, мәжіліс депутатының өкілеттігінен айырылғаны белгілі болды.

Көп ұзамай Азат Перуашев мұндай шешімге "Садықовтың депутат мәртебесіне жол берілмейтін іс-әрекеттер жасауы" себеп болғанын айтты.

Артынша Асқар Садықов әлеуметтік желіде видеоүндеу жариялап, өзіне қатысты айыптауларға жауап берді. Ол партия басшылығынан өзін лас ойынға араластырмауды сұрады.

Мәтіннен қате тапсаңыз, бізге жазыңыз