Алматы облысында бірқатар жоғары лауазымды полицейлер қызметінен босатылды

Алматы облысының полиция департаментінде кадрлық өзгерістер болды. Ішкі істер министрлігінің басшысы басшылық құраммен жедел кеңес өткізді, деп хабарлайды департаменттің баспасөз қызметіне сілтеме жасаған KAZ.NUR.KZ.

Ішкі істер министрлігі басшысының бұйрығымен:

• Полиция департаменті бастығының бірінші орынбасары Серік Шалхаров;
• Талғар аудандық полиция басқармасының бастығы Нұржан Күнтүнов;
• Полиция департаменті экстремизмге қарсы іс-қимыл басқармасының бастығы Ұлан Байтақов;
• Полиция департаменті криминалдық полиция басқармасының бастығы Руслан Смағұлов;
• Полиция департаменті ұйымдасқан қылмысқа қарсы күрес басқармасының бастығы Дулат Қайыр және оның орынбасары Жанат Омаров лауазымдарынан босатылды.

Еске салсақ, бұған дейін Президент Әкімшілігінің келісімі бойынша Ішкі істер министрінің бұйрығымен облыстық полиция департаментінің бастығы болып Мейрам Әбікеев тағайындалғанын хабарлаған едік. Полиция полковнигі бұған дейін Солтүстік Қазақстан облысы ПД бастығының орынбасары болған.