ҰҚК басшысының жаңа орынбасары тағайындалды

Бүгін Қазақстан Республикасы Ұлттық қауіпсіздік комитетінің басшылығында кадрлық өзгерістер болды. Мемлекет басшысы ведомство төрағасының жаңа орынбасарын тағайындады, деп хабарлайды Ақордаға сілтеме жасаған KAZ.NUR.KZ.

"Мемлекет басшысының өкімімен Қанатай Жорабекұлы Далматов Қазақстан Республикасы Ұлттық қауіпсіздік комитеті Төрағасының орынбасары лауазымына тағайындалды", - делінген хабарламада.

Айта кетейік, соңғы бір айда Қазақстанның Ұлттық қауіпсіздік комитетінде маңызды өзгерістер болды.

16 қыркүйекте президент Қасым-Жомарт Тоқаев ҰҚК төрағасының орынбасары – Терроризмге қарсы қызмет басшысы Руслан Сейсембаевты қызметінен босатты, ал Асқар Әмерханов та сол күні Комитет басшысының орынбасары – Сыртқы барлау қызметінің директоры қызметінен кетті.

Әли Алтынбаев Ұлттық қауіпсіздік комитеті басшысының бірінші орынбасары болып тағайындалды. Бірнеше күннен кейін Бақытбек Рахымбердиев Комитет төрағасының орынбасары – Терроризмге қарсы қызметтің басшысы болды.

Мәтіннен қате тапсаңыз, бізге жазыңыз