Қазақстан мәдениет және ақпарат вице-министрі тағайындалды

Айбек Жексенәліұлы Сыдықов мәдениет және ақпарат вице-министрі қызметіне тағайындалды. Бұл туралы Қазақстан үкіметінің ресми Telegram-каналына сілтеме жасаған KAZ.NUR.KZ хабарлайды.

"Қазақстан Республикасы үкіметінің қаулысымен Айбек Жексенәліұлы Сыдықов мәдениет және ақпарат вице-министрі қызметіне тағайындалды", - делінген үкімет хабарламасында.

Қазақстан премьер-министрінің ресми ақпараттық ресурсындағы мәліметке сәйкес, Айбек Сыдықов 1983 жылы Алматы қаласында дүниеге келген. Әл-Фараби атындағы Қазақ ұлттық университетін бітірген.

Еңбек жолын 2006 жылы "Алматы қаласы тарихы музейі" КМҚК-да экскурсия жүргізушісі болып бастаған.

2007–2015 жылдары — "Алматы қаласы тарихы музейі" КМҚК ғылыми қызметкері, директордың орынбасары, директоры.

2015–2016 жылдары — "Алматы қаласы музейлерінің бірлестігі" КМҚК директоры.

2016–2022 жылдары — "Мәдениеттерді жақындастыру орталығы мемлекеттік музейі" РМҚК мұражай бөлімінің басшысы, директордың орынбасары.

2022 жылдан бастап қазіргі уақытқа дейін — ҚР Мәдениет және ақпарат министрлігі Мәдениет комитетінің "Қазақстан Республикасының Ұлттық музейі" РМҚК директорының орынбасары.

Мәтіннен қате тапсаңыз, бізге жазыңыз