Асылбек Нұралин мәжіліс депутаты болды

Асылбек Нұралин мәжілістің жаңа депутаты болды. Бұл туралы KAZ.NUR.KZ мәжілістің Telegam-арнасына сілтеме жасап хабарлайды.

Асылбек Нұралин Қазақстан Халық партиясы фракциясы атынан өкілеттілігін тоқтатқан Гауһар Танашеваның орнына келген.

Бүгін ол парламент мәжілісінің жалпы отырысында депутат ретінде ант беріп, мәжілістің Әлеуметтік-мәдени даму комитетінің құрамына сайланды.

Естеріңізге сала кетейік, бұған дейін Орталық сайлау комиссиясы мәжіліс депутаты Гаухар Танашеваның өкілеттігі тоқтатылып, бос мандат Асылбек Нұралинге берілгенін хабарлаған еді.

ОСК Төрағасы Нұрлан Әбдіров Асылбек Жамашұлына белгіленген үлгідегі куәлік пен омырауға тағатын белгіні табыстап, оған депутаттық корпустағы жұмысына сәттілік тілеген.

Мәтіннен қате тапсаңыз, бізге жазыңыз