Шымкент және Атырау полиция департаменттерінде ауыс-түйіс болды (фото)

Шымкент қаласының және Атырау облысы полиция департаменттері бастығының орынбасары тағайындалды, деп хабарлайды KAZ.NUR.KZ.

"Қазақстан Республикасы ішкі істер министрі Ержан Саденовтың бұйрығына сай, Атырау облысы полиция департаменті бастығының орынбасары лауазымына полиция полковнигі Ерлан Биғамбаев тағайындалды", - делінген Атырау облыстық ПД Instagram желісінде жариялаған хабарламада.

Ерлан Валерийұлы Атырау қаласының тумасы. Ішкі істер органдарындағы қызметін 2002 жылдан бастап, бірнеше басшылық лауазымдарды атқарған.

Жаңа лауазымына дейін Атырау облысы полиция департаменті Жергілікті полиция қызметі басқармасының бастығы қызметін атқарған.

Сондай-ақ ішкі істер министрі Ержан Саденовтың бұйрығымен Асылжан Оспанұлы Қалдарбеков Шымкент қаласы полиция департаменті бастығының орынбасары қызметіне тағайындалған.

Шымкент қалалық ПД-ның ақпаратына сүйенсек, Асылжан Қалдарбеков ішкі істер органдарында 2002 жылдан бері қызмет етіп келеді. 2002-2014 жылдар аралығында тергеу саласында, соның ішінде Алматы қаласы ІІД-де түрлі басшылық лауазымдарда жұмыс істеген.

2014-2019 жылдары Астана қаласы ПД Алматы АПБ-ның тергеу басқармасы бастығының орынбасары және Анықтау басқармасының бастығы қызметтерін атқарған.

Соңғы уақытта Түркістан облысы полиция департаменті бастығының орынбасары болған.

Мәтіннен қате тапсаңыз, бізге жазыңыз