Ақордада кадрлық ауыс-түйіс: Мағзұм Мырзағалиев Қазақстан президентінің кеңесшісі болып тағайындалды
Опубликовано:
Қазақстан президентінің жаңа кеңесшісі тағайындалды, деп хабарлайды KAZ.NUR.KZ Ақордаға сілтеме жасап.
Мемлекет басшысының өкімімен Мағзұм Маратұлы Мырзағалиев Қазақстан президентінің кеңесшісі лауазымына тағайындалды.
Бұл қызметті атқарған Болат Оралұлы Ақшолақов лауазымынан босатылды.
Сондай-ақ мемлекет басшысының өкімімен Рустам Ахатханұлы Баялиев Қазақстан Президенті әкімшілігінің Өңірлік даму мониторингі бөлімінің меңгерушісі болып тағайындалды, ол бұрынғы атқарған лауазымынан босатылды.
Айта кетейік, Мағзұм Мырзағалиев бұған дейін де яғни 2022 жылғы қаңтар-сәуір айларында президенттің кеңесші қызметін атқарды. Бұдан бөлек, ол еліміздің энергетика, экология, геология және табиғи ресурстар министрі, "ҚазМұнайГаз" ұлттық компаниясының басқарма төрағасы болған.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/politics/appointments/2220371-magzum-myrzagaliev-qazaqstan-prezidentining-kengesshisi-bolyp-tagaiyndaldy/