Жигули Дайрабаев партиядағы қызметінен босатылды

Мәжіліс депутаты Жигули Дайрабаев "Ауыл" партиясы төрағасының орынбасары қызметінен босатылды, деп хабарлайды партияның ресми мәлімдемесіне сілтеме жасаған KAZ.NUR.KZ.

"Ауыл" партиясының ресми сайтындағы "Хабарландыру" бөлімінде партияның саяси кеңесі төралқасының соңғы отырысының қорытындысы бойынша екі құжат жарияланды.

Отырыстың күн тәртібінде екі мәселе қаралды. Бірінші қаралған мәселе – Ақтөбе өңірлік филиалының партия жарғысын өрескел бұзуы.

Екінші мәселе партия төрағасының орынбасары Жигули Дайрабаевты қызметінен босатуға қатысты болды.

"Төралқа мүшелері бұл шешімге бірауыздан дауыс берді", - делінген партияның баспасөз хабарламасында.

Мәтіннен қате тапсаңыз, бізге жазыңыз