Стратегиялық жоспарлау және реформалар агенттігіне жаңа басшы келді
Опубликовано:
Әсет Ерғалиев Стратегиялық жоспарлау және реформалар агенттігінің төрағасы болып тағайындалды. Бұл туралы KAZ.NUR.KZ Ақордаға сілтеме жасап хабарлайды.
"Мемлекет басшысының Жарлығымен Әсет Арманұлы Ерғалиев Қазақстан Республикасы Стратегиялық жоспарлау және реформалар агенттігінің төрағасы болып тағайындалды, ол бұрынғы атқарған лауазымынан босатылды", - делінген хабарламада.
Ал бұл қызметті атқарған Жандос Нұрланұлы Шаймарданов мемлекет басшысының жарлығымен лауазымынан босатылған.
Айта кетейік, Әсет Ерғалиев бұған дейін де (2022 жылғы қаңтар - 2023 жылғы қыркүйек) Стратегиялық жоспарлау және реформалар агенттігін басқарған еді.
Бұдан бөлек ол еліміздің ұлттық экономика министрі, президенттің экономикалық мәселелер жөніндегі көмекшісі болды.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/politics/appointments/2224431-strategiialyq-zhosparlau-zhane-reformalar-agenttigining-zhanga-toragasy-tagaiyndaldy/