Атырау облысына жаңа әкім тағайындалды

Болат Ақшолақов Атырау облысының әкімі лауазымына тағайындалды, деп хабарлайды Ақорда.

"Мемлекет басшысының Жарлығымен Болат Оралұлы Ақшолақов Атырау облысының әкімі лауазымына тағайындалды", - делінген хабарламада.

Айта кетейік, Болат Ақшолақов 1971 жылы 7 сәуірде Гурьев (қазіргі Атырау) қаласында дүниеге келген.

Қазақ мемлекеттік басқару академиясы, Есеп және экономикалық кибернетика факультетінің түлегі (1993). Мамандығы – экономист.

Сондай-ақ Мұнай-газ өнеркәсібінің білім беру орталығын тәмамдаған (Алматы) (1998). Онда "Жер қойнауын пайдалануға арналған келісімшарттарды бағалауә және "Мұнай өндіру экономикасы" мамандығын алып шықты.

1994 - 1995 жылдары – Alem Bank Kazakhstan экономисі, бас экономисі;

1995 - 1997 жылдары Орталық Азия ынтымақтастық және даму банкінің бөлім бастығы, департамент директоры қызметін атқарды;

1997 - 2001 жылдары – "Қазақойл" ҰМК ЖАҚ аға сарапшысы, менеджері, бас менеджері, департамент директорының орынбасары;

2001 - 2003 жылдары Commonwealth and British Services Ltd бизнес-талдаушысы, менеджері, қаржы директоры;

2003 - 2006 жылдары – "ҚазМұнайГаз" ҰМК ЖАҚ БК үлестерді басқару жөніндегі атқарушы директоры;

2006 - 2008 – Қазақстан Республикасы Энергетика және минералды ресурстар вице-министрі;

2009-2010 – "Самұрық-Қазына" ұлттық әл-ауқат қоры" АҚ электр энергетикалық және мұнай-газ активтерін басқару мәселелері жөніндегі басқарушы директоры;

2010-2011 – PSA ЖШС Бас директоры;

2011 жылы – "ҚазМұнайГаз" ұлттық компаниясы" АҚ президенті;

2012-2014 – Мұнай және газ вице-министрі;

2014-2016 – Almex Petrochemical ЖШС Бас директоры;

2016 - 2017 – KAZENERGY Қазақстан мұнай-газ және энергетика кешені ұйымдарының қауымдастығы" заңды тұлғалар бірлестігінің Бас директоры;

2017- 2019 – Қазақстан Республикасы энергетика вице-министрі;

2019 - 2021 – KAZENERGY қауымдастығының Бас директоры;

2021 - 2022 жылдың қаңтарына дейін – "Самұрық-Қазына" АҚ Активтерді басқару жөніндегі басқарушы директоры;

2022 - 2023 жылдары – энергетика министрі;

Кейін Қазақстан президентінің кеңесшісі болып тағайындалды, ал 2025 жылдан бері Kazenergy-ді басқарды.

Мәтіннен қате тапсаңыз, бізге жазыңыз