Жаслан Мәдиев премьер-министр орынбасары – жасанды интеллект министрі қызметінде қалды

Жаслан Мәдиев бұрынғы қызметіне қайта тағайындалды. Ол премьер-министр орынбасары және жасанды интеллект министрі лауазымдарын сақтап қалды, деп хабарлайды KAZ.NUR.KZ Ақордаға сілтеме жасап.

"Мемлекет басшысының Жарлығымен Жаслан Хасенұлы Мәдиев Қазақстан Республикасы премьер-министрінің орынбасары – жасанды интеллект және цифрлық даму министрі лауазымына тағайындалды", – делінген хабарламада.

Өмірбаяны

Жасанды интеллект министрлігінің сайтындағы ақпаратқа сәйкес, Мәдиев 1983 жылғы 13 маусымда Алматыда дүниеге келген.

2015 – 2016 – Массачусетс технологиялық институты (MIT), Слоан бизнес мектебі, бизнесті басқару магистрі (MBA) атанды.

2006 – 2007 – Колумбия университеті, Халықаралық қатынастар және мемлекеттік басқару мектебі, мемлекеттік басқару магистрі (MPA), экономикалық саясатты басқару ("Болашақ").

2000 – 2004 – ҚазҰУ. Әл-Фараби, әлемдік экономика және халықаралық қаржы саласындағы маман

Мансабы

Еңбек жолын 2007 жылы Лондон қаласындағы Morgan Stanley Инвестициялық Банкінің бағалы қағаздар және облигациялар саудасы департаментінің жетекші трейдері болып бастады.

Әр жылдары Қазақстан президенті әкімшілігінің стратегиялық әзірлемелер және талдау орталығының сарапшысы, "Самұрық - Қазына" ҰӘҚ" АҚ Қазынашылық департаментінің директоры, Kazyna Capital Management АҚ және "Қазақстанның Даму Банкі" АҚ Басқарма төрағасының орынбасары, Қазақстан Ұлттық Банкі директорының Монетарлық операциялар және активтерді басқару жөніндегі орынбасары және Қазақстан премьер-министрінің кеңесшісі қызметтерін атқарды. Сондай-ақ Қазақстан Ұлттық Банкі мен "Қазақстан темір жолы" АҚ құрылымында басшылық қызметтер атқарды.

Мәтіннен қате тапсаңыз,бізге жазыңыз