Қазақстанда екі вице-министр қызметінен босатылды

Бүгін, 5 қазанда Қазақстан Республикасы үкіметінің қаулысымен Айдар Әбілдабеков пен Батырбек Әбдішев вице-министр қызметінен босатылды, деп хабарлайды KAZ.NUR.KZ.

Үкіметтің Telegram-арнасы Айдар Ахметбекұлы Әбілдабеков Қазақстан Республикасы Сауда және интеграция вице-министрі қызметінен босатылғанын хабарлады.

Айта кетейік, ол бұл қызметке 2025 жылдың тамызында тағайындалған. Оған дейін ҚР Статистика агенттігінде жұмыс істеп, Сауда және интеграция министрлігі Сауда комитетінің төрағасы және төраға орынбасары қызметтерін атқарған.

Сонымен қатар Қазақстан Республикасы үкіметінің қаулысымен Батырбек Қадырбекұлы Әбдішев Қазақстан Республикасы Төтенше жағдайлар вице-министрі қызметінен босатылды.

Ол әр жылдары арнаулы мемлекеттік органдарда, соның ішінде Ұлттық қауіпсіздік комитетінде қызмет атқарған. 2024 жылдың сәуірінде Төтенше жағдайлар вице-министрі болып тағайындалған болатын.

Мәтіннен қате тапсаңыз, бізге жазыңыз