"Алпамыс батыр" жырынан үзінді оқыған Дәурен Абаевқа ел сүйсінді (видео)

Ақпарат және коммуникациялар министрі Дәурен Абаев өзінің Facebook парақшасына видео үндеу жүктеп, қазақстандық депутат Геннадий Шиповскихті желіде таралған эстафетаны жалғастыруға шақырды деп жазады NUR.KZ.

Дәурен Абаев әдеби флешмобқа қатысты. Ол эстафетаны Ерлан Қариннен қабылдап алған.

Бейнежазбада минситр "Алпамыс батыр" эпостық жырынан үзінді оқып беріп, эстафетаны мәжіліс депутатына жолдаған.

Солнымен қатар Дәурен Абаев өзінен кейін флешмобты жалғайтын Геннадий Шиповскихтің қазақ тілін жақсы меңгеріп алғанын да атап өтті.

Желі оқырмандары министрді мемлекеттік тілді жетік меңгергеніне риза болып, оны ана тілінің дамуына үлесін қосқаны үшін мақтай жөнелді.