Тоқаев Қостанайдағы жалғыз қазақ тілді мектептің тағдырына қатысты пікір білдірді

Мемлекет басшысы Қасым-Жомарт Тоқаев Қостанайдағы қазақ тілінде білім беретін жалғыз мектепте орын алған мәселелерге назар аударды деп хабарлайды KAZ.NUR.KZ.

Президент өзінің Twitter парақшасында Қостанайда орын алған мәселеге қатысты білім және ғылым министрі мен өңір әкіміне тапсырма бергенін жазды.

"Жергілікті тұрғындардың пікіріне қарағанда, Қостанайдағы қазақ тілінде білім беретін жалғыз мектепке қатысты күрделі жағдай қалыптасып отыр. Білім министрі және облыс әкімі барлық мәселені жаңа оқу жылына дейін шешуі тиіс" , - деп жазған президент.