"Ақыры кетті-ау": Депутат Бюрабекованың қызметінен кетуіне қатысты пікір білдірді

Парламенттің төменгі палатасының депутаты Ирина Смирнова Людмила Бюрабекованың Денсаулық сақтау министрлігі басшысының орынбасары қызметінен кетуіне қатысты пікір білдірді. Мажилисвумен экс-вице-министрді "фармацевтика саласының дамуына тосқауыл болды" деп айыптады деп хабарлайды KAZ.NUR.KZ депутаттың Facebook парақшасына сілтеме жасап.

"Бұл ханым жағымсыз естеліктер қалдырды", - деп бастады өз сөзін депутат.

Смирнованың айтуынша, Бюрабекова Қазақстандағы фармацевтика саласының ғана емес, сонымен қатар отандық ғылымның дамуына да кедергі болған. Депутаттың сөзіне қарағанда, экс-вице-министр қазақстандық ғалымдар ойлап тапқан дәрі-дәрмектер мен құрылғылардың клиникалық сынақтарын өткізуге тосқауыл болыпты.

"Жаңа тәсілдерді дамытуды қолдамады. Шетелде өндірілген дәрі-дәрмектерді көршілеріне қарағанда бірнеше есе жоғары бағамен таратуды қолдады",- деп жазады Смирнова.

Ол сондай-ақ Денсаулық сақтау министрлігінің экс-орынбасарын зертханалардың бір желісіндегі анализдерді 20 мың теңгеге "насихаттаған" деп айыптады.

"Ол маскалар 110 теңгеден арзан бола алмайтынын айтты. Осы жылдың жантүршігерлік жазғы кезеңінде дәрі-дәрмектердің жетіспейтіндігіне байсалдылық танытты. Ол эмоционалды интеллекттің жетіспейтіндігін, адамдардың, науқастардың тағдырына немқұрайлы қарайтынын байқатты.

Ақырында, кетті-ау. Жай ғана орнынан алынып тасталды деп ойламаймын. Мұндай іс-әрекет үшін жауап беру керек", - деп сөзін аяқтады мажилисвумен.

Естеріңізге сала кетейік, үкіметінің қаулысымен Людмила Витальевна Бюрабекова денсаулық сақтау вице-министрі лауазымынан босатылған еді.

Айта кетейік, бүгін Қарағандының жаңа әкімі болып Ермағанбет Бөлекпаев тағайындалған еді. Ал бұрынғы қала басшысы Нұрлан Әубәкіров басқа жұмысқа ауысуына байланысты қызметінен босатылды.

Мәтіннен қате тапсаңыз, бізге жазыңыз