Тоқаев Конституцияға өзгеріс енгізу туралы заңға қол қойды

Президент Қасым-Жомарт Тоқаев Конституцияға өзгеріс енгізетін құжатқа қол қойды. Бұл туралы Ақорданың ресми сайты мәлімдеді, деп хабарлайды KAZ.NUR.KZ.

"Мемлекет басшысы "Қазақстан Республикасының Конституциясына өзгерістер мен толықтыру енгізу туралы" Қазақстан Республикасының Заңына қол қойды", - делінген ресми Telegram парақшасында.

Заңның мәтіні баспасөзде жарияланады.

Осылайша, Қазақстанда президенттік сайлаудың жеті жылдық мерзімі бекітіледі, сондай-ақ, Нұр-Сұлтан атауы Астанаға ауыстырылады.