Президент Мәулен Әшімбаевты сенат төрағасы етіп сайлауды ұсынды

Мемлекет басшысы Қасым-Жомарт Тоқаевтың парламент сенатында сөйлеген сөзінде Мәулен Әшімбаевты қайтадан сенат төрағасы етіп сайлауды ұсынды, деп хабарлайды Ақорда Telegram арнасында.

"Өздеріңіз білесіздер, менің Жарлығыммен Мәулен Сағатханұлы Әшімбаев Сенат депутаты болып тағайындалды. Конституцияның 58-бабының 1-тармағына сәйкес Сенат Төрағасы лауазымына Мәулен Сағатханұлы Әшімбаевтың кандидатурасын ұсынамын.

Ол бұған дейін осы міндетті абыроймен атқарды. Заң шығару жұмысын жақсы біледі. Мемлекеттік қызметтегі тәжірибесі мол. Сондықтан, оны Сенат Төрағалығына лайықты деп санаймын.

Сенаттың қызметі табысты болсын! Баршаңызға амандық тілеймін!", - деді президент.