Арасында егіз сәбилер де бар: сайлау күні елімізде қанша нәресте дүниеге келді

19 наурызда парламент мәжілісі мен мәслихаттар депутаттығына сайлау күні елімізде 609 кішкентай қазақстандық дүниеге келді, деп хабарлайды Денсаулық сақтау министрлігі Telegam-дағы ресми арнасында.

Ведомство мәліметінше, 609 сәбидің ішінде: 312 ұл, 297 қыз, бір егіз жарық дүние есігін ашқан.

"Мемлекеттің одан әрі дамуы үшін осындай тағдырлы және маңызды күнде дүниеге келген сәбилерге жарқын болашақ пен зор денсаулық тілейміз!"- делінген хабарламада.

Сонымен қатар сайлау күні республиканың стационарларында емделіп жатқан пациенттер үшін емдеуге жатқызу орны бойынша дауыс беру үшін жағдайлар ұйымдастырылған.

Мәтіннен қате тапсаңыз,бізге жазыңыз