Ұлттық қорғаныс университетінің атауынан "Елбасы" сөзі алынады

Бүгін палата кулуарында сенатор Бекбол Орынбасаров Ұлттық қорғаныс университетінің атауын өзгерту туралы пікір білдірді, деп хабарлайды KAZ.NUR.KZ.

Сенатор Бекбол Орынбасаров оқу орны атауын өзгертудің себебін түсіндірді.

"Қазақстан Республикасының Тұңғыш Президенті – Елбасы туралы" Конституциялық заңның күші жойылғанына байланысты оны "Қазақстан Республикасының арнаулы мемлекеттік органдары туралы" заңның нормаларына сәйкестендіру қажет болды”, - деді сенатор.

Сенатор түзету оқу орны атауын өзгертуге қатысты болғанын атап өтті.

"Енді бұл университеттің атауы өзгереді, "Тұңғыш Президент – Елбасы" деген сөздер алынады, - деді ол.

Журналистер сенатордан университеттің бұдан былай қалай аталатынын сұрады.

"Енді оқу орны Қазақстан Республикасының Ұлттық қорғаныс университеті деп аталады, бұрын ол Қазақстан Республикасының Тұңғыш Президенті – Елбасы атындағы Ұлттық қорғаныс университеті деп аталды", - деп жауап берді ол.

Мәтіннен қате тапсаңыз,бізге жазыңыз