Астана көшелерінде жүрген әскери техника видеоға түсіп қалды

Әлеуметтік желілерде Астана көшелерімен қозғалып бара жатқан әскери техниканың бейнежазбасы жария болды. Бұл бейнежазбаға Қорғаныс министрлігі түсініктеме берді, деп хабарлайды KAZ.NUR.KZ.

Telegram-дағы Astanovka98 арнасында әскери техника түсірілген бейнежазба жарияланды. Видео сипаттамасында әскери техника Астанадағы №72 мектеп-лицейінің жанынан өткені айтылған. NUR.KZ тілшісі Қорғаныс министрлігінің баспасөз қызметіне түсініктеме алу үшін жүгінді.

"Жастарды әскери-патриоттық тәрбиелеу мақсатында Қорғаныс министрлігі Астана қаласының әкімдігімен бірлесіп, Халық Қаһарманы Рахымжан Қошқарбаевтың 100 жылдық мерейтойы қарсаңында Бейбітшілік және келісім сарайында әскерге шақырылушыларды салтанатты түрде әскери қызметке шығарып салу іс-шарасын өткізді.

Іс-шара аясында қару-жарақ пен әскери техниканың көрмесі ұйымдастырылды. Іс-шарадан кейін техника өз күшімен тұрақты орналасу орындарына қайтарылды", - деп хабарлады министрлік өкілдері.

Мәтіннен қате тапсаңыз, бізге жазыңыз