Шымкентте Ұлттық ұланның әскери бөлімінде қорытынды тексеріс басталды

11 қарашада Ұлттық ұлан 6506 әскери бөлімінде "Оңтүстік" өңірлік қолбасшылығы қолбасшысының орынбасары полковник Павел Ситниковтың басшылығымен 2024 жылғы жазғы оқу кезеңінің қорытынды тексерісі басталды. Бұл туралы KAZ.NUR.KZ хабарлайды.

ІІМ Ұлттық ұланы "Оңтүстік" өңірлік қолбасшылығының мәліметінше, бірнеше күн ішінде әскери қызметшілер саптық, мемлекеттік-құқықтық, арнайы, атыс және дене шынықтыру даярлықтары бойынша сынақтар тапсырады.

Сонымен қатар олар жалпыәскери жарғылар мен РХБ қорғаныс пәндерінен білімдері мен дағдыларын көрсетеді. Әрбір әскери қызметші тек теорияда ғана емес, практикада да бағаланады.

Бірінші күн саптық бақылаудан басталды, оның барысында өңірлік қолбасшылық комиссиясы әскери қызметшілердің киім үлгісін, құжаттары мен жабдықтарын тексерді. Саптық байқаудан кейін әскери қызметшілер саптық дайындық бойынша сынақтарды тапсыруға кірісті. Олар саптық қабылдауларды қозғалыста, орында және қарумен орындады.

Сондай-ақ тексеріс барысында "Ақтас" оқу орталығының базасында әскери қызметшілер штаттық қару - Макаров тапаншасы мен Калашников автоматын меңгеру дағдыларын көрсетті.

"Қорытынды тексеріс аясындағы жоғары нәтижелер әскери қызметшілерге сыныптық біліктілігін арттыруға мүмкіндік береді. Сондықтан әркім жоғары баға алуға ұмтылады, осылайша бүкіл әскери бөлімнің жалпы қорытынды бағасына өз үлесін қосады", - деді полковник Павел Ситников.

Тексеріс қорытындылаумен аяқталады. Әрбір әскери қызметші мен бөлімше өз дайындық деңгейіне сәйкес тиісті баға алады.

Айта кету керек, әскери қызметшілер жылына екі рет қорытынды тексерістен өтеді. Оның негізгі мақсаты – жауынгерлік әзірліктің нақты жай-күйін және жеке құрамның дайындық деңгейін анықтау.