Шымкентте сыбайлас жемқорлыққа қарсы іс-қимыл жөніндегі ведомствоаралық комиссия отырысы өтті

Шымкентте сыбайлас жемқорлыққа қарсы іс-қимыл жөніндегі ведомствоаралық комиссия отырысы өтті. Бұл туралы KAZ.NUR.KZ қала әкімдігінің ресми сайтына сілтеме жасап хабарлайды.

Бүгін әкімдік жанындағы сыбайлас жемқорлыққа қарсы ведомствоаралық комиссияның аясында "9 желтоқсан – Халықаралық сыбайлас жемқорлықпен күрес күніне" арналған іс-шара өтті.

Қазіргі уақытта комиссия сыбайлас жемқорлыққа қарсы күрес бағытында тұрақты түрде қызмет атқарып, профилактикалық жұмыстарға басымдық беріп келеді. Отырыста осы бағытта атқарылған жұмыстардың қорытындысы баяндалды.

Сондай-ақ сыбайлас жемқорлықпен күрес күніне орай қоғам белсенділері қала әкімінің алғыс хатымен, 30 жылдық мәслихаттың мерейтойы және төсбелгілермен, сондай-ақ департамент басшысының арнайы алғыс хатымен марапатталды.

Мәтіннен қате тапсаңыз, бізге жазыңыз