"Өзіме ыңғайлы": Астана әкімі уақыт белдеуіне қатысты ойын айтты

Астана қаласының әкімі Жеңіс Қасымбек уақыт белдеуіне қатысты пікір білдірді. Ол Орталық коммуникациялар қызметіндегі брифинг барысында уақыттың бір сағатқа алға жылжуынан ешқандай өзгеріс байқамағанын айтты. Бұл туралы KAZ.NUR.KZ тілшісі хабарлайды.

Брифинг барысында Жеңіс Қасымбек портал тілшісінің уақыттың алға жылжуы әкімнің қызмет барсында қаншалықты кедергі келтіргені туралы сұрағына жауап берді.

"Мысалы, маған ыңғайлы. Мен таңғы 07.00-ден кешкі 21.00-ге дейін жұмыстамын. Сондықтан менде ешқандай өзгеріс жоқ.

Біз ай сайын қаладағы аудан тұрғындарымен кездесу ұйымдастырып тұрамыз. Ол жерде жүздеген сұрақ қойылады. Бірақ уақыт белдеуіне қатысты мәселені бірен-саран адам ғана айтады"- деп жауап берді Жеңіс Қасымбек.

Айта кетейік, премьер-министр Олжас Бектенов Қостанай облысына жұмыс сапары барысында табиғи уақыттың азаматтардың денсаулығы мен әл-ауқатына оң әсері ғылыми дәлелденгенін айтты.

Мәтіннен қате тапсаңыз, бізге жазыңыз