Рамзан Қадыровтың "жоғалып кеткені" туралы желідегі ақпаратқа Шешенстан билігі пікір білдірді

Шешенстанның ұлттық саясат, сыртқы байланыстар, баспасөз және ақпарат министрі Ахмед Дудаев өзінің Telegram-дағы арнасында Қадыровтың "жоғалып кеткені" туралы желіде жарияланған ақпаратқа қатысты пікір білдірді. Бұл туралы KAZ.NUR.KZ хабарлайды.

Дудаев Шешенстан басшысы Рамзан Қадыровтың Жаңа жыл мерекелерінен кейін ақпарат алаңынан жоғалып кеткені және ресми іс-шараларға шықпайтыны туралы ақпаратты "дұшпандардың Telegram-дағы арналары және "арандатушылар" таратқан "жалған жаңалықтар" деп атады.

Ол шешенстандықтарға мұндай "жалған ақпараттар" үйреншікті болып қалғанын айтты.

Дудаевтың айтуынша, Қадыров жыл басынан бері "қызметіне белсенді түрде кіріскен, барлық мәселені жеке бақылауында ұстайды", ал оның жұмысы туралы хабар "ашық ресми деректерден" түрлі платформаларда жарияланып тұрады.

Одан бөлек, министрдің айтуынша, Шешенстан басшысы 13 қаңтардан бастап ресми демалыста. Тиісті бұйрық оның сайтында жарияланған.

Қазіргі кезде республика басшысының міндетін Шешенстан үкіметінің басшысы Магомед Даудов атқарып отыр.

Мәтіннен қате тапсаңыз, бізге жазыңыз