Жоғарғы Соттың екі судьясы қызметінен босатылды

Жоғарғы Соттың екі судьясы – Әмір Досжан мен Герман Нұрбаев қызметінен босатылды. Бұл туралы сенаттың баспасөз қызметіне сілтеме жасаған KAZ.NUR.KZ хабарлайды.

Бүгін сенаттың жалпы отырысында депутаттар президенттің ұсынысы негізінде Жоғарғы сот судьялары Әмір Досжан Сарманқұлұлы мен Герман Каримұлы Нұрбаевты қызметінен босатуды қолдап, дауыс берген.

Мәселе сенаттың бейінді комитетінде алдын ала қаралған.

Президенттің ұсынымын оқыған Жоғары сот кеңесінің төрағасы Дмитрий Малаховтың хабарлауынша, Досжан Сарманқұлұлы отставкаға кетуіне байланысты Жоғарғы соттың судьясы қызметінен босатылды. Ол зейнеткерлік жасқа толған.

Ал Герман Нұрбаев жақында ТМД Экономикалық сотының төрағасы болып сайланған.

Мәтіннен қате тапсаңыз, бізге жазыңыз