Қазақстанның АҚШ-тағы елшісі қызметінен босатылды

Ержан Ашықбаев Қазақстанның АҚШ-тағы төтенше және өкілетті елшісі лауазымынан босатылды, деп хабарлайды Ақордаға сілтеме жасаған KAZ.NUR.KZ.

"Мемлекет басшысының жарлығымен Ержан Нигматоллаұлы Ашықбаев Қазақстан Республикасының Америка Құрама Штаттарындағы төтенше және өкілетті елшісі лауазымынан босатылды", - делінген хабарламада.

Айта кетейік, Ержан Ашықбаев Қазақстанның АҚШ-тағы елшісі лауазымына 2021 жылғы 5 сәуірде тағайындалған еді.

Бұл қызметке дейін 2013-2021 жылдары еліміздің сыртқы істер министрінің орынбасары болды.

Сондай-ақ әр жылдары Премьер-министр кеңсесі басшысының орынбасары, үкіметтің ресми өкілі, Президент әкімшілігінің Сыртқы саясат орталығының меңгерушісі қызметтерін атқарған.

Ержан Ашықбаев әл-Фараби атындағы Қазақ ұлттық университетінің түлегі. Сонымен қатар Гарвард университетінің Дж. Кеннеди атындағы Мемлекеттік басқару мектебін бітірген. Халықаралық қатынастар саласындағы маман, мемлекеттік басқару магистрі.

Ағылшын, түрік және француз тілдерін меңгерген. І сыныпты төтенше және өкілетті уәкіл дипломатиялық дәрежесіне ие.

Мәтіннен қате тапсаңыз, бізге жазыңыз