Қанат Шарлапаев тағы бір қызметінен босатылды

Қанат Шарлапаев "Самұрық-Қазына" ұлттық әл-ауқат қоры" АҚ директорлар кеңесінің құрамынан шығарылды. Бұл туралы Қазақстан қор биржасының ресми сайтына сілтеме жасаған KAZ.NUR.KZ хабарлайды.

Қор биржасының баспасөз қызметінің мәліметінше, "Самұрық-Қазына" ұлттық әл-ауқат қоры" АҚ директорлар кеңесінің құрамы өзгертілген.

"Самұрық-Қазына" ұлттық әл-ауқат қоры" АҚ жалғыз акционерінің (KASE тикері – SKKZ) 2025 жылдың 25 қыркүйегіндегі шешімімен Қанат Шарлапаев қоғамның директорлар кеңесінің құрамынан шығарылды", - делінген хабарламада.

Енгізілген өзгерісті ескере отырып, "Самұрық-Қазына" ұлттық әл-ауқат қоры" АҚ директорлар кеңесі енді алты адамнан тұрады. Олар:

• Олжас Бектенов – директорлар кеңесінің төрағасы, Қазақстан Республикасының премьер-министрі;
• Нұрлан Жақыпов – директорлар кеңесінің мүшесі, "Самұрық-Қазына" АҚ басқарма төрағасы;
• Болат Жәмішев – директорлар кеңесінің мүшесі, тәуелсіз директор;
• Лука Сутера – директорлар кеңесінің мүшесі, тәуелсіз директор;
• Вонг Хэн Фай – директорлар кеңесінің мүшесі, тәуелсіз директор;
• Мұхаммед Джамиль әл Рамахи – директорлар кеңесінің мүшесі, тәуелсіз директор.

Мәтіннен қате тапсаңыз,бізге жазыңыз