Тоқаев Палестина президентіне жеделхат жолдады

Мемлекет басшысы Қасым-Жомарт Тоқаев Палестина елінің Тәуелсіздік күнін тойлауына орай президентіне құттықтау жеделхатын жолдады, деп хабарлайды Ақордаға сілтеме жасаған KAZ.NUR.KZ.

Ақорда мәліметінше, Қасым-Жомарт Тоқаев Махмұд Аббас пен оның отандастарын Палестина мемлекетінің төл мерекесі – Тәуелсіздік күнімен құттықтады.

"Президент жеделхатында Қазақстан Палестинаны араб әлеміндегі маңызды серіктестерінің бірі ретінде қарастыратынын әрі аталған елді нығайтуға және жарқын болашаққа негіз болатын халықаралық бастамаларға әрдайым қолдау көрсететінін жазған.

Қасым-Жомарт Тоқаев Махмұд Аббастың жауапты қызметіне толағай табыс, ал Палестина халқына бақ-береке тіледі", - делінген Ақорда хабарламасында.

Мәтіннен қате тапсаңыз, бізге жазыңыз