Қазақстанда вице-президент лауазымы енгізіледі

Мемлекет басшысы Қасым-Жомарт Тоқаев елде Республика вице-президенті лауазымы енгізілетінін айтты. Ал мемлекеттік кеңесші лауазымы жойылады, деп хабарлайды KAZ.NUR.KZ.

Ұлттық құрылтайда сөйлеген сөзінде президент Қасым-Жомарт Тоқаев елде жаңа лауазым – вице-президент пайда болатынын мәлімдеді.

"Сөз вице-президент лауазымын енгізу туралы болып отыр. Оның өкілеттік көлемін президент анықтайды. Вице-президент президенттің тапсырмасы бойынша халықаралық форумдар мен шетелдік делегациялармен келіссөздерде Қазақстан Республикасының мүддесін, парламентте президенттің мүддесін білдіреді, отандық және бірлескен қоғамдық-саяси, ғылыми, мәдени және білім беру ұйымдарымен өзара жұмыс істейді және президенттің басқа да нұсқауларын орындайды деп жоспарланып отыр.

Вице-президенттің ресми міндеттеріне қатысты осы негізгі ережелер Конституцияда да көрініс табуы керек", - деді Қасым-Жомарт Тоқаев.

Мәтіннен қате тапсаңыз, бізге жазыңыз