Қазақстан халқы 2026 жылы Конституция күнін қашан атап өтеді

Әділет министрі Ерлан Сәрсембаев мәжіліс кулуарында биыл Конституция күнінің 30 тамызда атап өтілу мүмкіндігіне қатысты сұраққа жауап берді, деп хабарлайды KAZ.NUR.KZ тілшісі.

Журналистер Ерлан Сәрсембаевтан 2026 жылы Конституция күнін атап өту тәртібі туралы сұрады. Олар "қазақстандықтар 15 наурызда жаңа Конституция жобасын қолдаса, 30 тамыз мереке болып санала ма?" - деп сұрады.

"Керемет сұрақ, өзіме де қызық. БАҚ-та жарияланған жаңа Конституцияның жобасын оқыдыңыз ба? Егер оқысаңыз, 94-бапта дәл осы мәселе қарастырылады: жаңа Конституция қабылданған күн ұлттық мереке болып жарияланады.

Яғни, егер халық дауыс беріп, Конституцияның жаңа редакциясын қолдаса, онда 15 наурыз Конституция күні болып саналады, ал 30 тамыздың күші жойылады", - деп жауап берді Ерлан Сәрсембаев.

Журналистер қазақстандықтардың Конституция күнін 2026 жылы 30 тамызда қаншалықты атап өте алатынын тағы да нақтылап сұрауға тырысты, бірақ Сәрсембаев бұл референдум қорытындыласына байланысты екенін айтты.

Мәтіннен қате тапсаңыз, бізге жазыңыз